Ko Te Toi Rangi te ingoa o tō mātou reo rua ki te kāreti nei. Ko te kaupapa matua, he whakapūmau i tō tātou reo me ō tātou tikanga ki tēnei wāhanga o te kura. Ā, he whakarewa hoki i te reo me ngā tikanga ki tētahi pae taumata e tika ana, e whakaaengia ana. Ka anga nui tonu te titiro ki ō tātou marae i raro o Te Whare Tapu O Ngāpuhi kia rite tahi ai ngā whakahaeretanga katoa i konei ki ērā o runga i ngā marae.

I ahu mai te ingoa o te reo rua nei i ngā kōrero ā ngā mātua tūpuna, ā i ngā kōrero hoki mō Tānenuiārangi. Ki ngā kōrero, i kake a Tāne ki roto ki ngā rangi ki te tiki i ngā kete mātauranga e whai oranga ai tēnei ao hurihuri nei. Ko Te Toi o Ngā Rangi te tuangahuru mā rua o ngā rangi, ā koia tērā ko te wāhi i kitea ai ngā kete mātauranga – Te Kete Tuauri, Te Kete Tuatea, Te Kete Aronui. Nō te whakaingoatanga o tō mātou reo rua, kua āhei ā mātou ākonga ki te aruaru i ngā tapuwae o ō tātou mātua tūpuna me te whai māramatanga anō mō rātou ko wai rātou, nō hea rātou, ā he take hoki tō rātou ki te ao nei. Nō reira, ko tā te kaupapa nei, he whakaū atu ki roto ki ngā ngākau o ngā ākonga katoa ētahi mātauranga e whai take nui ai ki ō rātou whānau, ki ō rātou hapū me ō rātou iwi. Ā, he wero anō hoki i a rātou ki te whakaaro ake i tētahi koha nō rātou ki ngā iwi katoa o te ao.

Te Toi Rangi is the bilingual unit at Northland College.

Our primary focus in our unit is to ensure that our reo and tikanga are upheld to a standard we feel is rich and acceptable to all as well as being aligned to the practises on our marae within Te Whare Tapu o Ngapuhi.

The name Te Toi Rangi itself derives from the stories of our mātua tūpuna, notably Tānenuiārangi. Tāne for short, ascended into the heavens to retrieve the three baskets of knowledge so that life could be brought to the world. Te Toi o ngā Rangi was the twelfth heaven which held the three baskets – Te Kete Tuauri, Te Kete Tuatea, and Te Kete Aronui. In the acquisition of this name, our students are able to retrace in the footsteps of their tūpuna and gain a deeper understanding of who they are and their purpose/worth. Furthermore, it is about getting our students to understand that they have an important part to play within their own whānau, hapū, iwi and community and their contribution to all communities locally, nationally and internationally.